राष्ट्रपतिलाई पहिलो गाँसमै ढुंगा, ►भ्रमण खर्च ६७ लाख◄ १० पुस, काठमाण्डौं । घरेलु आलोचना छल्दै जम्बो टोली लिएर राष्ट्रपति डा. रामबरण यादब सोमबार भारतको वाराणसी पुग्नुभयो । तर, उहाँलाई पहिलो गाँसमै ढुंगा लाग्यो । त्यहाँस्थित बनारस हिन्दु विश्वविद्यालयले यसअघि दिने भनेर प्रचार गरिएको उपाधि नै फरक पर्न गयो । राष्ट्रपति यादबलाई ‘डक्टर अफ लेटर्स’ अर्थात् डिलिट उपाधि प्रदान गर्न लागिएको भन्ने उहाँको कार्यालयको दाबी उक्त वि्श्वविद्यालयले खण्डन गरेको छ । विश्वविद्यालयका प्रेस विभागका अध्यक्ष प्राध्यापक राजेश सिंहले टेलिफोनमा कुरा गर्दै राष्ट्रपतिलाई कानुनसम्बन्धी उपाधि ‘डक्टर आफ ल’ अर्थात एलएलडी प्रदान गर्न लागिएको जानकारी दिएको खबर कान्तिपुर दैनिकले छापेको छ । उक्त विश्वविद्यालयमा माल्वीय जयन्ती स्टेरिङ कमिटीका सदस्य सचिव भीएन पाण्डेले पनि एलएलडी प्रदान गर्न लागिएको पुष्टि गरेका छन् । उक्त विश्वविद्यालयका कुलपति एवं भारतीय कंग्रेस विदेश विभाग प्रमुख करण सिंहका स्वकीय सचिव मोहन सिंहले पनि त्यही जानकारी दिएका छन् । तर, उक्त विश्वविद्यालय र राष्ट्रपति कार्यालयबीच कसरी खबर आदान प्रदान भयो खुल्न सकेको छैन । राष्ट्रपतिको भ्रमण खर्च ६७ लाख राष्ट्रपतिको भारत भ्रमणका लागि अर्थमन्त्रालयले ६७ लाख रुपैयाँ बजेट निकासा गरेको छ । राष्ट्र प्रमुखको भारत भ्रमणलाई सफल बनाउन परराष्ट्र मन्त्रालयले माग गरे अनुसारकै रकम निकासा गरिएको जानकारी मन्त्रालयका अधिकारीहरुले दिएका छन् । राष्ट्रपति डा. यादवको २०६७ मंसिरमा चीन भ्रमणमा भएको खर्चको तुलनामा अहिको भारत भ्रमणको खर्च तीन गुणाबढी भएको अन्नपूर्ण पोष्ट दैनिकमा खबर छ ।

Read More

त्रिभुवन विमानस्थलको पानी पनि चोरी, ११ पुस, काठमाण्डौं । सँधैजसो यात्रुका ‘लगेज’ चोरी, पास दुरुपयोग, ट्याक्सी व्यवसायीको ठगी जस्ता घटनाले बदनाम त्रिभुवन अन्तराष्ट्रिय विमानस्थलको अर्को दुरुह पाटो पनि छ । त्यहाँका कर्मचारीहरु पानी चोरेर घर लैजान्छन् । विमानस्थलले उपलब्ध गराउने जारको पानी तल्लो तहका कर्मचारीले पेप्सी, कोक, फ्यान्टा, डिउल लगायतका बोलतमा भरेर घर घर पुर्‍याउने गरेका छन् । विमानस्थल व्यवस्थापनका लागि यो विषय टाउको दुखाई बनेको छ । पानी चोर्ने अधिकांश कर्मचारी करारका हुन् । कहिलेकाँही जार पनि चोरी हुने गरेको कारोबारमा खबर छ । च्यसबाहेक शौचालय तथा कार्यालय सरसफाईमा प्रयोग हुने कोलिन, हार्पिक, ब्रस, सावुन, सर्फदेखि सीएफएल चिमसमेत अत्यधिक चोरी हुने बस्तुमा परेका छन् । समग्र विमानस्थल रेखदेखका लागि प्रशासनले सीसी क्यामरा व्यवस्था गरे पनि चोरी रोकिएको छैन् ।

Read More

नेता जोगाउन गृह 'गम्भीर' काठमाडौ, पुस ११ - तीन मुख्य दलका प्रमुख आफ्नै कार्यकर्ताको आक्रमणमा परेपछि सरकारले नेता सुरक्षाको उपाय खोज्न थालेको एक महिना बितेको छ । यसमा घोत्लिरहेको गृह मन्त्रालयले अझै केही सुझाउन सकेको छैन । पछिल्लो पटक मंसिर १ गते एमाआवादी अध्यक्ष पुष्पकमल दाहालमाथि पूर्वकार्यकर्ता पदम कुँवरले थप्पड हानेपछि गृहले भीआईपी सुरक्षासम्बन्धी नयाँ नीति तर्जुमा गर्न कार्यदल गठन गरेको थियो । सहसचिव शंकर कोइराला संयोजक रहेको कार्यदललाई तोकिएको तीन साता अवधिले नपुगेर दुई पटक गरी दुई हप्ता समय थपिसकिएको छ । गत साता कार्यदलले नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका प्रतिनिधि बोलाएर नयाँ नीतिबारे राय मागेको थियो । उनीहरूले भीआईपी सुरक्षामा रहेका व्यावहारिक कमजोरीबारे प्रस्ट पारेका थिए । अब बन्ने भीआईपी सुरक्षा नीतिमा सम्बद्ध नेता वा अधिकारीलाई पनि जिम्मेवार बनाइने भएको छ । 'भीआईपीलाई विशेष खाले तालिम वा अभिमुखीकरण गराएर मात्र सेक्युरिटी डिटेल्समा राख्नुपर्छ भन्ने मान्यताबाट हामी नीति बनाइरहेका छौं,' एक अधिकारीले भने । भीआईपी वा उनको पक्षबाट थोरै मात्र पनि हेलचेक्र्याईं हुँदा उनीहरूमाथि खतरा बढ्ने सुरक्षा अधिकारीहरूको भनाइ छ । सुरक्षा निकायबाट खटिने अंगरक्षकलगायतका जनशक्ति भीआईपीहरूसँगै अनावश्यक व्यक्तिगत सम्बन्ध कायम गरेर तोकिएको दायित्वबाट विमुख हुने अवस्थासमेत अध्ययनका क्रममा देखिएको कार्यदलका एक सदस्यले बताए । मुलुकमा राजनीतिक संक्रमण लम्बिरहेका बेला गत वर्ष एमाले अध्यक्ष झलनाथ खनालमाथि सुनसरीमा आफ्नै कार्यकर्ताद्वारा आक्रमण भएको थियो । त्यसपछि राजधानीको कपनमा नेपाली कांग्रेस सभापति सुशील कोइरालामाथि कार्यकर्तैले चिर्पट प्रहार गरेका थिए । एमाओवादी अध्यक्ष दाहालमाथि चाहिँ पूर्वकार्यकर्ताले भृकुटिमण्डपमा आयोजित चियापान कार्यक्रममा थप्पड हानेका थिए । यस्ता घटनालगत्तै आक्रमणकारीलाई कार्यकर्ताहरूले सामूहिक रूपमा निर्मम कुटपिट भएका छन् । दाहाललाई आक्रमण गर्ने कुँवर त्यस्तो प्रतिशोधात्मक कुटाइबाट गम्भीर घाइते भएका थिए । रोकथाम गर्न नसक्ने भीआईपी सुरक्षा व्यवस्था घटनापश्चात् पनि प्रभावकारी नदेखिएको अवस्था छ । यस्ता आक्रमणका घटनापछि जनस्तरबाट आक्रमणकारीप्रति नै सहानुभूति प्रकट भएकोसमेत पाइन्छ । कुँवर २८ हजार रुपैयाँ धरौटी राख्न नसकेर थुनामुक्त हुन नसकेपछि त्यो रकम सहयोग गर्न थुपै्र व्यक्ति तयार भएका थिए । 'यस्तो आक्रमण कुनै पनि हिसाबले राम्रो होइन र यसले समाजमा अन्ततः राम्रो सन्देश दिँदैन भन्ने बुझाउनु पनि नयाँ नीतिको उद्देश्य हो,' गृहका एक अधिकारीले भने । सहसचिव कोइरालाले अब एक सातामा काम सक्ने जानकारी दिए

Read More

नेता जोगाउन गृह 'गम्भीर' काठमाडौ, पुस ११ - तीन मुख्य दलका प्रमुख आफ्नै कार्यकर्ताको आक्रमणमा परेपछि सरकारले नेता सुरक्षाको उपाय खोज्न थालेको एक महिना बितेको छ । यसमा घोत्लिरहेको गृह मन्त्रालयले अझै केही सुझाउन सकेको छैन । पछिल्लो पटक मंसिर १ गते एमाआवादी अध्यक्ष पुष्पकमल दाहालमाथि पूर्वकार्यकर्ता पदम कुँवरले थप्पड हानेपछि गृहले भीआईपी सुरक्षासम्बन्धी नयाँ नीति तर्जुमा गर्न कार्यदल गठन गरेको थियो । सहसचिव शंकर कोइराला संयोजक रहेको कार्यदललाई तोकिएको तीन साता अवधिले नपुगेर दुई पटक गरी दुई हप्ता समय थपिसकिएको छ । गत साता कार्यदलले नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका प्रतिनिधि बोलाएर नयाँ नीतिबारे राय मागेको थियो । उनीहरूले भीआईपी सुरक्षामा रहेका व्यावहारिक कमजोरीबारे प्रस्ट पारेका थिए । अब बन्ने भीआईपी सुरक्षा नीतिमा सम्बद्ध नेता वा अधिकारीलाई पनि जिम्मेवार बनाइने भएको छ । 'भीआईपीलाई विशेष खाले तालिम वा अभिमुखीकरण गराएर मात्र सेक्युरिटी डिटेल्समा राख्नुपर्छ भन्ने मान्यताबाट हामी नीति बनाइरहेका छौं,' एक अधिकारीले भने । भीआईपी वा उनको पक्षबाट थोरै मात्र पनि हेलचेक्र्याईं हुँदा उनीहरूमाथि खतरा बढ्ने सुरक्षा अधिकारीहरूको भनाइ छ । सुरक्षा निकायबाट खटिने अंगरक्षकलगायतका जनशक्ति भीआईपीहरूसँगै अनावश्यक व्यक्तिगत सम्बन्ध कायम गरेर तोकिएको दायित्वबाट विमुख हुने अवस्थासमेत अध्ययनका क्रममा देखिएको कार्यदलका एक सदस्यले बताए । मुलुकमा राजनीतिक संक्रमण लम्बिरहेका बेला गत वर्ष एमाले अध्यक्ष झलनाथ खनालमाथि सुनसरीमा आफ्नै कार्यकर्ताद्वारा आक्रमण भएको थियो । त्यसपछि राजधानीको कपनमा नेपाली कांग्रेस सभापति सुशील कोइरालामाथि कार्यकर्तैले चिर्पट प्रहार गरेका थिए । एमाओवादी अध्यक्ष दाहालमाथि चाहिँ पूर्वकार्यकर्ताले भृकुटिमण्डपमा आयोजित चियापान कार्यक्रममा थप्पड हानेका थिए । यस्ता घटनालगत्तै आक्रमणकारीलाई कार्यकर्ताहरूले सामूहिक रूपमा निर्मम कुटपिट भएका छन् । दाहाललाई आक्रमण गर्ने कुँवर त्यस्तो प्रतिशोधात्मक कुटाइबाट गम्भीर घाइते भएका थिए । रोकथाम गर्न नसक्ने भीआईपी सुरक्षा व्यवस्था घटनापश्चात् पनि प्रभावकारी नदेखिएको अवस्था छ । यस्ता आक्रमणका घटनापछि जनस्तरबाट आक्रमणकारीप्रति नै सहानुभूति प्रकट भएकोसमेत पाइन्छ । कुँवर २८ हजार रुपैयाँ धरौटी राख्न नसकेर थुनामुक्त हुन नसकेपछि त्यो रकम सहयोग गर्न थुपै्र व्यक्ति तयार भएका थिए । 'यस्तो आक्रमण कुनै पनि हिसाबले राम्रो होइन र यसले समाजमा अन्ततः राम्रो सन्देश दिँदैन भन्ने बुझाउनु पनि नयाँ नीतिको उद्देश्य हो,' गृहका एक अधिकारीले भने । सहसचिव कोइरालाले अब एक सातामा काम सक्ने जानकारी दिए

Read More

तिब्र गतिमा अक्षर चिन्ने बच्चा कम रिसाहा, यदि कुनै बालक तिब्र गतिमा अक्षर चिन्न सिक्दैछ र प्रष्ट बोल्ने कोशिस गर्दैछ भने ढुक्क हुनुस् उसको दुबै हातमा लड्डू हुनेछ । एक त उसले आफूलाई राम्रोसँग अभिव्यक्त गर्न सक्छ भने अर्कोतिर उमेर बृद्धिसँगै रिस पनि कम हुन्छ । २ वर्षको उमेरमा प्रष्टसँग अक्षर चिन्ने प्रयास गर्ने बच्चा ४ वर्षको उमेरमा अन्य बच्चाहरुभन्दा कम रिसाह हुन्छन् । ४ वर्षको उमेरमा नै भाषालाई रामो बनाउन खोज्ने बच्चामा पनि रिस कम हुने अध्ययनले देखाएको छ । लाइभ साइन्समा प्रकाशित रिपोर्ट अनुसार १८ महिनाका १ सय २० बच्चाको ब्यवहार ४ वर्षसम्म अध्ययन गरिएको थियो । त्यस क्रममा बच्चाको भाषा ज्ञान सिकाउन सबै प्रयोगहरु गरियो भने तिक्ष्ण बनाउन मुश्किल कामहरु पनि दिइयो । त्यसक्रममा बच्चाहरुलाई कुनै उपहार खोल्न ८ मिनेटसम्म पर्खाइएको थियो । त्यसमा राम्रो भाषा शैली भएको बच्चा रिस नियन्त्रण गर्न केही सफल भएको देखियो । राम्रो भाषा शैली भएकाहरुले कुनै समस्या आउँदा सुरुमा आमाबुबा, शिक्षक र अन्य कसैसँग सहयोग मागेको पाइयो । यो अध्ययन गरेको पेनसिलभिनिया स्टेट विश्वविद्यालयको शोध दलका सदस्य पामेला कोलले भने-’राम्रो भाषा शैली भएका बच्चाहरु आफ्नो रिस नियन्त्रण गर्न सक्छन् र समस्यामा पर्दा अरुलाई बचाउन पनि ।’

Read More

भोलिदेखि १२ घण्टा लोडसेडिङ काठमाडौ, पुस १० - नेपाल बिद्युत प्राधिकरणले बुधबारदेखि लागू हुने गरी १२ घण्टे लोडसेडिङ तालिका सार्वजनिक गरेको छ । प्राधिकरणले नदीमा पानीको स्तर घटेकाले साविकको तालिका फेर्नुपरेको बताएको हो । प्राधिकरणले यसअघि दैनिक १० घण्टा लोडसेडिङ गर्दै आएको थियो । तर, माग धान्न नसक्दा प्राधिकरणले यसअघि पनि अघोषितरुपमा १२ घण्टा लोडसेडिङ गर्दै आएको थियो । प्राधिकरण स्रोतका अनुसार आगामी दिनमा लोडसेडिङ अझैं बढ्न सक्छ । बिद्युत चुहावट हुने जिल्लाहरुमा भने दैनिक १२ घण्टा भन्दा बढी नै लोडसेडिङ हुनेछ । प्राधिकरणका अनुसार बिद्युत चुहावट हुने जिल्लामा चुहावटको अवस्था हेरी एकदेखि ६ घण्टासम्म लोडसेडिङ बढाइनेछ । लोडसेडिङ समूह भने साविककै रहने प्राधिकरणले जनाएको छ ।

Read More

मिनी स्कर्ट नलगाउन युवतीहरुलाई राजाको उर्दी,

नेपाल र भारतमा अहिले बलात्कार काण्ड खुबै चर्किरहेको छ । बलात्कारीलाई कडा सजायँ गर्नुपर्ने माग उठिरहेको छ । यहीँ बेलामा स्वाजिल्याण्ड भन्ने देशका राजाले भने बलात्कार रोक्न भन्दै अचम्म लाग्दो नयाँ कानून पारित गरेका छन् ।

उक्त कानून अनुसार अब त्यस देशका महिलाहरुले मिनी स्कर्ट तथा अरु छोटा वस्त्र लगाउन पाउने छैनन् । र यो कानूनको उल्लंघन गर्नेलाई ६ महिनासम्मको जेल सजाय हुनेछ ।
तरुनीहरुले मिनिस्कर्ट लगायतका छोटा कपडा लगाउँदा बलात्कारका घटना बढेको दाबी त्यहाँका राजाको छ । विडम्बनाको कुरा त के भने आफ्नो दैनिक जिवनमा मिनीस्कर्ट लगाउन युवतीहरुलाई प्रतिबन्ध लागेपनि राजाको लागि देखाइने अर्धनग्न नाचमा भने मज्जाले मिनीस्कर्ट र छोटा कपडा लगाउन पाइनेछ । स्मरण रहोस् स्वाजिल्याण्डमा वर्षेनी राजाको लागि देशभरका युवतीहरुले दरबार अगाडि जम्मा भएर टपलेस नाच देखाउने परम्परा छ ।
छातिको भाग सबै छोप्ने तल्लो भागमा पिँडौलासम्म ढाकिने कपडा अब युवतीहरुले लगाउनुपर्नेछ । स्मरण रहोस् युवतीहरुलाई मिनीस्कर्ट लगाउन नपाउने कानून बनाउने स्वाजिल्याण्डका राजाले १३ वटी स्वास्नी जम्मा गरेका छन् । स्वाजिल्याण्डका दुइ तिहाइ युवती यौन उत्पिडनको सिकार हुने गरेका बताइएको छ ।

Read More

मन पर्ने रंगले बताउँछ तपाइँको व्यक्तित्व
=====================

कुनैपनि व्यक्तिलाई मन पर्ने रंग अर्को व्यक्तिलाई मन नपर्न सक्छ । यसको अर्थ रंगको मामिलामा पनि मानिसहरु चूजी हुन्छन् ।

व्यक्तिले आफुलाई मन पर्ने रंगका लुगाफाटो वा अरु कुनैपनि उपयोगी साधनहरु खरीद गर्न चाहन्छ र प्रयोग गर्न चाहन्छ । तपाइँ हामी पनि कुनै खास रंगका कपडा वा सरसामान प्रयोग गर्न विशेष रुची देखाउँछौँ ।

हामीलाई कुनै रंग विशेष रुपमा मन पर्छ तर यसरी एउटा रंग मन पर्नु वा अरु रंगमा मन नजानुको कारण हामीलाई थाहा हुँदैन । हामीलाई कुनै खास रंग मन पर्नु र अरु रंग मन नपर्नुको अर्थ र त्यसले हाम्रो मानसिकतासँग राख्ने सम्बन्धको बारेमा पनि ख्याल हुँदैन ।

तर पछिल्लो अध्ययनले कुनै पनि व्यक्तिको रंगप्रतिको छनोटले उसको सोँच तथा व्यक्तित्व झल्काउँछ ।

व्यक्तिले कुन रंग मन पराउँछ भन्ने कुराबाट उसको शारीरिक, मानसिक, भावनात्मक तथा धार्मिक मनस्थितिको बारेमा गुह्य कुरा पत्ता लगाउन सकिने मनोविशेषज्ञहरु बताउँछन् । उनीहरुका अनुसार कुनैपनि व्यक्तिले आफ्नो व्यक्तित्व अनुसार नै रंगको चयन गर्छन् । आखिर कुन रंग रोज्ने व्यक्तिको चरित्र कस्तो हुन्छ त ?

· सेतो रंग – यो शुद्धताको संकेत हो । सेतो रंग आफ्नो मनपर्ने व्यक्तिको मन जित्न समेत कामयावी हुन्छ । सेतो रंगको पहिरन लगाउने व्यक्तिहरु देखावटीमा विश्वास नगर्ने खालका हुन्छन् । उनीहरु आफ्नो काममा शतप्रतिशत निपुर्णता चाहन्छन् । कुनैपनि काम अधूरो छाड्न चाहँदैनन् ।

· रातो रंग – आक्रामकताको प्रतिकको रुपमा रहेको रातो रंग मन पार्ने व्यक्ति घुमफिर गर्न रुचाउने खालका हुन्छन् । रातो रंग रुचाउने व्यक्तिहरु महत्वाकांक्षी हुनुका साथै चाहेको कुरा गरेरै छाड्ने प्रवृत्तिका पनि हुन्छन् । यिनीहरु आशावादी तथा जोसिला हुन्छन् ।

· गुलाबी रंग – माया तथा लगाबको प्रतिकको रुपमा रहेको गुलाबी रंग मन पार्ने खासगरी महिलाहरु जिन्दगीमा सधै सुरक्षा र अर्काको संरक्षण चाहने खालका हुन्छन् । उनीहरु सौन्दर्यप्रेमी हुन्छन् र सधै आकर्षक देखिन चाहन्छन् । उनीहरु विलासी जिवनका भोगी हुन्छन् ।

· सुन्तला रंग – सुन्तला रंग मन पराउने व्यक्तिहरु अरु आम मानिसभन्दा युनिक देखिन चाहने खालका हुन्छन् । व्यवहार कुशल हुने भएकाले उनीहरुको सामाजिक दायरा पनि फराकिलो हुन्छ । उनीहरु निडर, उत्सुक तथा चंचल स्वभावका हुन्छन् । यिनीहरुको व्यवहार थोरै ढुलमुले प्रवृत्तिको समेत हुनेगर्छ ।

· पहेँलो रंग – पहेँलो रंग मन पार्ने व्यक्तिहरु जिन्दगीमा सधै नयाँपन चाहन्छन् । यिनीहरु कल्पनाशील हुन्छन् । हँसिमजाक रुचाउने खालका हुन्छन् । सोँच स्पष्ट हुन्छ भने अरुलाई राम्रो सल्लाह दिने खालका हुन्छन् ।

· हरियो रंग – हरियो रंग आशाको प्रतिक हो । तथापि यस्तो रंग मन पराउने मानिसहरुमा आत्मविश्वासको कमी हुन्छ र उनीहरुको कमजोरीको फाइदा अरुले उठाउँछ । यिनीहरु समाजमा सक्रिय त हुन्छन् तर एक्लोपन उनीहरुको टाउको दुखाइ बन्दछ ।

· निलो रंग – निलो रंग मन पराउने व्यक्तिहरु अधिक संवेदनशील हुन्छन् । उनिहरु आफुमाथि पूरै नियन्त्रण गर्न सक्षम हुन्छन् र बहकाउमा लाग्दैनन् । विश्वासयोग्य हुन्छन् तर बढि चिन्ता गर्ने बानी यिनीहरुका लागि प्रत्युत्पादक बन्दछ ।

· कालो रंग – कालो रंग मन पराउने व्यक्तिहरुको व्यक्तित्व प्रभावशाली हुन्छ । यिनीहरुको व्यक्तित्व रहस्यमय समेत हुन्छ । यो वर्गका मानिसहरु आफ्नो भावनालाई अक्सर दबाएरै राख्छन् । एजेन्सी

Read More

मजदुरद्वारा एनसेलका ६ वटा मुख्य टावर ध्वस्त

ujyaalo @Admin:Keshab

काठमाडौं, पुस १० - निष्काशित ८७ जना कर्मचारीलाई निशर्त पुनर्वहालीको माग गर्दै आन्दोलनरतअखिल नेपाल क्रान्तिकारी सञ्चार, छापाखाना र प्रकाशन मजदुर संघ हेलो नेपालइकाई कमिटीले अहिलेसम्म एनसेलका ६ वटा टावर निष्कृय बनाएको छ ।
गतबुधवार बुद्धनगरको एउटा, आइतवार सानो भ¥याङमा ३ वटा र मंगलबार नयाँ बजारमा ३ वटा टावर ध्वस्त पारेको संघले जनाएको छ । टावरका महत्वपूर्ण तारहरु काटिदिएपछि डेढ करोड बराबरको क्षति भएको एनसेल श्रोतले जनाएको छ ।
साथै टावर निष्कृय हुँदा दैनिक ५० लाख बराबरको आम्दानी घटेको उक्त श्रोतको भनाई छ ।
टावर मर्मतको ठेक्का पाएका कम्पनीमा कार्यरत इन्जिनियरहरुलेसमेत आन्दोलनलाई समर्थन
जनाउँदै मर्मत नगरेपछि हेलो नेपाल र उसको साझेदारी टेलिकम कम्पनी एनसेललाई ठूलो क्षति भएको दावी संघले गरेको छ ।

Read More

प्रधानमन्त्री ध्रुवे हात्तीजस्तै : रिजाल

काठमाडौ, पुस १० - नेपाली कांग्रेसका केन्द्रीय सदस्य
मिनेन्द्र रिजालले प्रधानमन्त्री बाबुराम भट्टराईलाई
बिध्वंशकारी ध्रुवे हात्तीको संज्ञा दिएका छन् । देश
अवनतीतर्फ जाँदा पनि प्रधानमन्त्रीले सत्ता छाड्न
आनाकानी गरेको भन्दै उनले यस्तो संज्ञा दिएका हुन्
। उनले वर्तमान प्रधानमन्त्रीको नेतृत्वमा कांग्रेस
सरकारमा जानु असम्भव भएको टिप्पणी गरे । मंगलबार
रिपोर्टस् क्लबमा भएको कार्यक्रममा बोल्दै
रिजालले कांग्रेसलाई आकर्षक मन्त्रालयको लोभ
देखाएको प्रधानमन्त्रीले कांग्रेस फुटाउने जाल
रचेको आरोप लगाए । रिजालले अन्य दलबीच सबै बिषयमा करिब करिब
सहमति भएपछि प्रधानमन्त्रीले आफ्नै
नेतृत्वको कुरा उठाएर सहमति अड्काएको आरोप
लगाए ।

Read More

तयार हुदै छ .........

प्रतिक्षा गर्नुहोस .....

Read More